|
| updated 03.04.11 02:15 31.03.11 14:58 |
jotia   | |
en |
***(გამყიდეს, გამცვალეს)
ნიკო გომელაური
გამყიდეს, გამცვალეს,
მაგრამ ვერ დამცალეს.
ფეხზე დამიკიდეს,
მაგრამ ვერ მიყიდეს.
წამართვეს, გამწირეს
- ეს მე არ მამცირებს.
შემარქვეს, მომიგონეს
- მაგრამ ვერ დამიმონეს.
დაჭრილი დამტოვეს.
ვეჩვევი სიამრტოვეს.
გადამაგდეს, მომპარეს
- გმადლობთ მტერს და მოყვარეს.
მომატყუეს, დამათვრეს
და ზეიმი გამართეს
ლამის მომკლან, ჩამქოლონ,
ზედ წიხლი დამაყოლონ.
ცრემლისთვის დამცინეს,
მცხელა, თან მაციებს.
ლექსებს მიწუნებენ,
ვალს არ მიბრუნებენ.
ყველგან ცუდს ხედავენ,
რას არ მიბედავენ.
ღმერთო! რას არ ამბობენ,
რა სიტყვით არ მამკობენ.
ფრთები მაინც მეზრდება,
წერა არ მომბეზრდება.
მიყვარს და მეყვარება,
ეჭვიც არ მეპარება.
სანამ არ დამმარხავენ
- მშვიდს მე ვერსად მნახავენ.
ლექსს ვკიოდი, თან წვიმდა
და მიბღვერდა მთაწმინდა...
*******************************************
*******************************************
ლამაზო ფეხები მიადგი ერთმანეთს
კაბის ქვეშ გიყურებს მთელი დედამიწა,
გვირილა გაკოცებს,კანჭებზე ღმერთმანი
შეგრცხვება იცოდე და მე ვერ დაგიცავ
გულთან შეიბნიე ჩახსნილი ღილები,
ვერ ხედავ მთელი ცა მკერდში რომ ჩაგცქერის?
მზე სხივებს წაგატანს თუ გაგეღიმება
და გვიან მიხვდები ძვირფასო რაც გელის.
თმას ასე თამამად ნურასდროს გაიშლი
ნიავი აგირევს, ფიქრს აგიცანცარებს,
რა ვნებიანია თან ქარი მაისში?!
არ იცი,მაგრამ მე ხომ ვიცი რაც არის.
ეგ ყელი მაღალი,როგორმე დაფარე
იწვიმებს იცოდე და მაინც მოგიწევს,
თუ არ დამიჯერებ,წვეთს შემოგაპარებს,
მუცლამდე ჩაგიღვრის და გვერდში მოგიწვენს.
ვერავინ დაიცავს შენს უმანკოებას,
ცოტა მოერიდე ხალხსა და სამყაროს,
თორემ ჭორაობა დაიწყეს რტოებმა
რა უბიწოებით გარყვნილი რამ ხარო
|
|
| |
|
Total posts: 1 Pages: 1
«« « 1 » »»
|
|
| Mo |
Tu |
We |
Th |
Fr |
Sa |
Su |
| 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | | | | |
|
