---

*******************************************************
Խմենք կենացն անդավաճան ընկերության,

Ընկերների ա’յն սերության,

Որ մինչև իսկ չի ընդհատվում

Աքսորի մեջ ու գերության:

Ընկե’ր լինենք

Նույն հուզմունքի,

Համոզմունքի’,

Նույն ճաշակի’,

Դրոշակի’,

Ո’չ թե ընկեր լոկ բաժակի…


Եկեք նաև մե’զ չզրկենք,- առանց այն էլ

Քիչ զրկանքներ հո չենք կրել աշխարհում մենք:

Այս թասով էլ մե’ր կենացը եկեք խմենք


***********************************************************


Երբ կքայլես այս աշխարհով
Ու կնաես քո հետքերին,
Չմոռանաս, որ դրանով
Պարտավոր ես ծնողներիդ...
Չմոռանաս, որ նրանք են
Քեզ այս կյանքը նվիրել,
Չմոռանաս, որ նրանք են
Օրորոցում քեզ օրորել...
Քո առաջին քայլից սկսած
Ձեռքդ բռնաց կողքիդ քայլել,
Քո առաջին բառից սկսած
Քո բառերին իմաստ գտել...
Երբ կսիրես, չմոռանաս,
Որ մոր սիրուց ջինջ սեր չկա,
Երբ կխոսես, չմոռանաս,
Որ հոր խոսքից ճիշտ խոսք չկա...
Ու թե քայլերդ քեզ կտանեն
Այս աշխարհի բարձունքներին,
Չմոռանաս, ծունկդ ծալես
Ու խոնարհվես ծնողներիդ

*************************************************